Pengawa nyiri Akim Menua patut nitihka undang-undang

Baru Bian

KUCHING, Jun 5: Pengawa nyiri Akim Menua patt nitihka undang-undang ukai bepelasarka pekara bansa enggau jalai pengarap, pia ku chairman PKR Sarawak, Baru Bian.

Ku iya, Artikel 154 (1) Konsitusyen Perintah Besai ngungkupka Tang di-Pertuan Agong nengah lalau Menteri Besai deka nyiri siku orang ke patt nyadi akim Kort Besai lalu nyadi Akim Menua ungkup Perintah Besai.

“Nitihka Sempekat Malaysia 1963, Sabah enggau Sarawak kaban kunsi dalam Gempung Malaysia, lalu kami berat nitihka undang-undang ba pengawa nyiri Akim Menua ke baru.

“Kami berasai asa lebuh pekara bansa enggau jalai pengarap ba pengawa nyiri Akim Menua dikira taja pan pekara nya nadai dalam undang-undang,” ku Baru ke mega MP Selangau.

Iya ke mega Kaban Kunsil Negeri Ba ‘Kelalan ngenang penemu Ketuai Pemesai Eksekutif Institut Pansik Stratergik Islam Malaysia (ISKIM) Prof Datuk Mahamad Naser Disa ti mantah perambu Pakatan Harapan ngambika Tommy Thomas dichiri nyadi Akim Menua ke baru.

Ku Mahamad, ukai Islam enda ulih mantu Yang di-Pertuan Agong ngintu pemaik jalai pengarap belama, sereta ngelanggar Artikel 145 (2) Konstitusyen Perintah Besai.

Ku Baru, nengah pemisi Akim Menua ke.landik sereta beresi nya mandangka perintah baru serius ba semaya deka mai pemaru.

“Tu begunaka luyar ti mayuh peneleba sereta bepenau nyadi Akim Menua ngambika ulih mutarka penanggul besai ari skandal 1MDB,” ku iya.

Ku iya, tanggungpengawa Akim Menua ke baru tu berat amat lalu ukai ungkup orang ke lemi semengat lalu PKR Sarawak nyukung Tommy Thomas dipilih nyadi Akim Menua ke baru. — DayakDaily