KUCHING, April 15: Veteran Angkatan Tentera Malaysia (ATM) berasai gaga ati enggau pengawa digaga Perintah Barisan Nasional (BN) ngelama tu ti semampai ngintu pengelantang pendiau sida, pia ku presiden Gerempung Veteran ATN Senator Laksamana Tan Sri Mohd Anwar Mohd Nor.
Ku iya, BN dlam manifesto pengawa bepilih besai ke-14, tetap ingatka raban veteran ATM lebuh ngungkupka 1,800 unit rumah dalam Program 1Anggota 1Rumah ungkup raban veteran.
Mohd Anwar madah munyi nya lebuh bejaku ba ‘Program Ekspresi Prihatin Veteran ATM Negaraku di Dewan Bakuvu, Kem Penrissen ditu kemari.
Sama bisi datai Panglima Medan Timur Soldadu Darat Leftenan Jeneral Datuk Mohd Zaki Mokhtae enggau Panglima Divisyen Pertama Infantri Malaysia, Datuk Stephen Mundaw.
Taun siti nyin tadi, Menteri Ngetanka Menua Datuk Seri Hishammuddin Tun Hussein udah mantaika ke alai veteran ATM ti enda nerima pinchin deka dibayar duit bantu ‘bakti negara’ sepenyampau RM 1,000 setaun. — DayakDaily
