Kem baru BN10 diperambu deka dipindah ngagai kem baru di Jalai Jakar Sarikei

Soldier. — DayakDaily.com file pic. // Photo: Pixabay

SIBU, Ogos 16: Batalion Ke-10 (BN10) Pasukan Gerakan Am (PGA) ditu diperambu deka dipindahka ke kem baru ti deka digaga di Km 4.8 Jalai Jakar di Sarikei dudi ila.

Pegawai pemerintah Supt Sanudin Md Isa madahka projek ngaga kem nya ba atas tanah ke mungkur pemesai lebih 125 hektar ti diempu Polis Diraja Malaysia itu, dijangka berengkah taun baru.

“Kita ngarapka perambu projek ngaga kem nya ulih dipejalai ukai aja ke pengelantang raban enggau ruang bilik sida sereta meri gaya baru ngagai batalion tu,” ku iya lebuh ke dikerandau beserimbai enggau Pengerami Ngintu Penumbuh ke 49 Batalion Ke 15 PPH/BN10 PGA Sibu di Kem Lanang ditu kemari.

Perintah sebedau tu udah ngemendarka agih belanja RM200 juta dikena ngaga infrastruktur baru ba palan ke diatu di Kem Lanang berindik ari gaya perengkaguna baka opis, berek endur diau sereta kuarters ke udah balat rusak ketegal insiden angus kena 5 Nov 2016 ti udah nganguska selumpung berek endur diau.

Perambu ngaga nya, taja pia ditangguh ketegal besilih perintah besai enggau status tanah di Kem Lanang ke udah dikaveat sebuah kompeni. — DayakDaily