LAWAS, April 10: Ketuai Bagi Nembiak Parti Pesaka Bumiputera Bersatu (PBB) enggau Nembiak nengeri, Gerald Rentap Jabu madahka raban nembiak enggau mai ubah besai ba aspirasi Sarawak ngambika nyadi nyata ke pemansang di serata Malaysia.
“Raban nembiak meseti nentuka sida enda tinggal ba ekonomi global ke jampat mansang setipak enggau pemansang teknologi,” ku iya.
Ku Rentap, nembiak Sarawak meseti ba platform ke betul endur ngelempaika pelasar kuing pengidup jemah ila laban sida iya meh ti mai ubah pemansang nengah jalai nya.
Iya madah munyi tu ba sessi randau ke diatur Nembiak PBB Zon 11 a palan Gerempung Basketball Lawas empai lama udah.
Sama bisi datai rambau nya nya Kaban Supreme kaunsil enggau Sapit Chairman Sapit Kunsilor Awangku Jainal Abidjn Pengiran Jawa, Sapit Sentral PBB ke mega Ketuai Nembiak PBB ketuai pampang Nembiak Christopher Lasong enggau Ketuai Nembiak PBB Bukit Kota, Kunsilor Sufian Mohat.
Rentap ke mega ADUN Layar minta bala Nembiak PBB di Limbang enggau Lawas majak ngelaba dikena nentuka BN menang besai ba PRU14.
Ngena awak nya mega raban nembiak BN bisi nemuai ngagai asar Trusan seraya betemu enggau Sapit Menteri Dagang enggau Pekara Bebeli Barang ke udah bejadi Program Jualan Sentuhan Rakyat (PJSR) dia. — DayakDaily
