Penanggul teputar di Lanang enti SUPP menang majoriti besai — Kong

SIBU, April 10: Parti Sa’ati Rakyat Sarawak (SUPP) netaoka penanggul rayat di Lanang deka teputar enti SUPP Lanang menang enggau majoriti ke besai ba PRU Ke-14.

Sapit Chairman Pampang Dudong, Kelvin Kong netapka pekara nya lebuh ke nemuai ngagai Tanjung Latap, Nanga Assan, Kampung Kedadak enggau Kampung Banyok empai lama udah.

Lebuh ke nemuai nya iya bisi nyuaka bantj kerusi roda sama siti siku ngagai Rumah Tonnie Ili (Rumah Latap), Rumah Adin Lembang (Tanjong Latap), Rumah Chendang Ambau (Sungai Assan) enggau Kampung Kedadak (Nanga Assan).

Nengah awak nya mega sida nyuaka tiga chek RM 3,000 ngagai Komiti Pemansang enggau Pengelikun Genturung Pendiau (JKKK) Rumah Along Banyok enggau Rumah Jackson Sibat sereta Komiti Pendam Tanjong Latap.

Iya mega madahka sida deka ngaga jematan kayu baru di Tanjong Latap dikena nyilih ke baru ti udah rusak.

Ku iya, nyema SUPP-BN menang nengah majoriti ke besai ba sitak Lanang, kami deka chakah agi gawa nentuka ampuh bah ke suah nyadi ba kandang Jalai Assan Tanjong Latap, Pulau Keladi, Rongan nyentuk ke Naman tinggal nyadi kenang aja. — DayakDaily