Peranak Sabah, S’wak deka dikenulu ngisi pengawa puang ba tetiap renggat

Pakatan Harapan ruled state government in Kedah collapses today (May 17, 2020)

KUCHING, Mei 19: Perintah Pakatan Harapan netap deka nentuka kontrak enggau peluang kereja ti dibuka di Sarawak enggau Sabah diberi ngagai peranak menua nya dulu, enggau tikas gaji ke patut.

Semaya nya bisi dalam manifesto PH nyerumba pengawa beplih besai ke-14.

“Nyentuk 30 peratus ari agih belanja pemansang ninting taun deka diungkup ngagai Sabah enggau Sarawak lalu fokus belanja nya diberi kena nembuka projek jalai besai,” ku iya nujuka nya ngagai Pan Borneo Highway.

Ku manifesto nya mega, Sabah enggau Sarawak ngembuan rayat ke mayuh pengelandik, tang pengelandik sida enda dikeibuhka Barisan Nasional ke suah agi mai pemesai ari Semenanjung nyentuk ke ngubah pelasar struktur demografi.

“Perintah Pakatan Harapan deka meri pengelebih ngagai peranak Sabah enggau Sarawak ngisi pengawa puang di tetiap renggat, kelebih agi ba renggat atas di semua ejensi pusat enggau negeri,” ku iya. — DayakDaily