Maya PRU diatur ukai bepanggai ba pengawa ngaga garis entara sitak baru — SPR

Sign outside polling station. — DayakDaily.com file pic. // Photo: Pixabay

SHAH ALAM, Dis 30: Komiti Pengawa Bepilih (SPR) ensana madahka maya pengawa bepilih besai ke-14 (PRU14) ukai bepanggai ba penembu pengawa ngaga garis entara baru sitak.

“Bisi bida entara pengawa ngaga garis entara sitak baru enggau pengawa bepilih. Pengawa ngaga garis entara sitak baru nya siti proses,pengawa bepilih besai nya siti proses. Pengawa Bepilih Besai ukai bepanggai ba pengawa ngaga garis entara baru,” ku Chairman SPR Tan Sri Mohd Hashim Abdullah madah ngagai pemberita.

“Pagila lusa pan Parlimen ulih direrak enda ngira pengawa ngaga garis entara sitak baru,” ku iya.

Ke rekod, pelasar ngaga garis entara sitak baru nya nitihka Jadual 13 Konstitusyen Perintah Besai ke alai penyampau pengundi ba sesebengkah sitak nya enda kelalu mayuh, ngelui ari 100,000 laban nya deka ngenusahka pengari rayat.

Penyampau pengundi ba tetiap Parlimen tauka Kunsil Negeri (DUN) meseti diperunding sekalika na ba kandang pasar, setengah pasar tauka menua pesisir.


Nitihka Pekara 113 (2)(ii) Konstitusyen Perintah Besai, garis entara baru tau digaga sepegudah timpuh lapan taun pengawa ngaga garis entara nya tembu lalu ke penudi endar proses tu digaga iya nya ba taun 2003, lebih 10 taun ke udah.

Pengaga ngaga garis entara baru digaga dalam taun 1958, 1974, 1984, 1994 enggau 2003.

Bisi sekeda orang melabaka PRU14 deka diatur sepengudah proses nya tembu dipejalaika. — DayakDaily