Dua sampel positif Rabies ditemu di Matang

Dog snout. — DayakDaily.com file pic.// Photo: Pixabay

KUCHING, Dis 30: Dua sampel ukui ke diterima ari Institut Mansik Veterinar (VRI) di Ipoh, Perak ensana ditemu positif virus Rabies, ku Sekretariat Mutar Penusah Ngenyit Negeri.

Tukang Pengerembai Berita, Ismail Mahedin madahka nya sebagi ari sampel ke dianjung Opis Servis Veterinar Sarawak (JPVS) ngambika diperesa FAT enggau PCR.

“Kes positif nya dikelala ari kandang Taman Jutaria, Jalai Matang, dan Blok A, Taman Dahlia, Matang, Kuching.”

Ku iya, bisi 306 sampel ari 279 iku ukui, 25 iku mayau enggau dua iku semawa udah dianjung ke Ipoh ngambika diperesa virus Rabies lalu 295 pemutus sampel nya ari 268 iku ukui, 25 iku mayau enggau 2 iku semawa udah diterima.

“Bisi 21.4 peratus ari 57 sampel ukui enggau mayau ditukuka positif virus Rabies.”


Berebak enggau nya, Opis Pengerai Negeri Sarawak madahka bisi 12 kes kena ketup baru diripot ensana ke alai tiga kes diripot di Bagi Menua Serian, lima kes dirioit ba Bagi Menua Samarahan lalu empat kes ari Bagi Menua Kuching.
Kenyau ari1 April suba nyentuk ke diatu, bisi 5,501 kes udah diripot, lalu 2,093 iku orang udah dituchuk vaksin anti-Rabies. — DayakDaily