PL1M diperambu nyadi palan latih e-dagang

Dato Sri Wong Soon Koh

KUCHING, Dis 30: Perintah negeri nengah Opis melalui Menteri Dagang Entarabansa enggau E-Dagang ti betuaika Dato Sri Wong Soon Koh merambu Palan Internet 1Malaysia (PI1M) digaga nyadi pusat latih ungkup e-dagang.

Wong madah, nya deka meri pengelebih ngagai peranak menua pesisir nguna kereban PL1M ti meri pemaik aplikasi e-dagang ke tuju ngelaku dagang.

“Kami deka berunding enggau Suruhanjaya Komunikasi enggau Multimedia Malaysia (SKMM) beratika chara ulih nanggam kerejasama ke pemaik Pusat Internet 1Malaysia nya nyadi palan latih ungkup e-dagang.,” ku iya

Wong mega madah, pusat latih nya beguna amat endur ngiri penemu sereta nerangka pemesai guna e-dagang ngagai komuniti menua pesisir.

“Kami deka bekerejasama enggau SKMM nguna kereban ke bisi ba palan nya dikena matih peranak menua pesisir pasal e-dagang,” ku iya. — DayakDaily