Gloria indu Dayak keterubah nyadi Pesuruhjaya Tinggi Malaysia ke Nigeria

Gloria Corina Peter Tiwet. — photo sourced from Ministry of Foreign Affairs (www.kln.gov.my)

KUALA LUMPUR Feb 13: Gloria Corina Peter Tiwet, kemari nempa sejarah nyadi orang indu Dayak keterubah dichiri nyadi duta menua.

Iya sebedau tu nyadi Pengarah Opis Serantau Sarawak ba Opis Menteri Luar deka nyadi Pesuruhjaya Tinggi Malaysia di Nigeria.

Iya enggau empat ke bukai nerima surat chiri nyadi pengari Malaysia ari Yang di-Pertuan Agong, Sultan Muhammad V, di Istana Negara sehari tu.

Penerima bukaj iya nya Mohamad Nizan Mohamad, ti deka gawa di Afrika Selatan; Chitra Devi V. Ramiah (Poland); Mohd Haniff Abd Rahman (Mesir) enggau Zahairi Baharim (Myanmar).

Gloria sebedau tu bejalaika pengawa nyadi Pengarah Sekretariat Logistik Utama ASEAN Opis Menteri Luar ari taun 2015 nyentuk 2016 kelimpah kala gawa dalam bemacham kapasiti di Sweden, Argentina enggau Chile. — DayakDaily


Share this article!