Projek Sepital Petra Jaya meseti tembu ujung taun tu — Subramaniam

A stethoscope. - DayakDaily.com file pic. // Photo: Pixabay

KUCHING, Feb 13: Kontrektor Projek Sepital Petra Jaya diberi jaku tangkan, diasuh nembuka projek nya manggai ba ujung taun 2018 tu.

Menteri Pengerai Datuk Seri Dr. S. Subramaniam madahka projek nya patut udah tembu digaga ba bulan Jun 2017.

“Projek Sepital Petra Jaya sakit lalu meseti diperubat. Pekara ke baka tu enda patut nyadi lalu bepanggai enggau kontrektur.

“Ketegal penanggul tu, Sepital Besai Sarawak (SGH) nerima empas,”ku iya ba aum pengarang berita di Kuching kemari.

Ku iya nambah, kontrektur napi bemacham penanggul ti ngujungka projek enda ulih ditembu nitihka maya ditetap.

Projek nya diatu ku Subramaniam dipatau Opis Kereja Raya (JKR).

“Aku ngarap dalam timpuh ke diberi JKR, kontrektur ulih ngelengkaska kereja lalu nembuka projek ba pengujung taun tu,”ku iya.

Manggai ujung taun 2018 tu, projek udah terjanggal pengelama setaun setengah, ku Subramaniam. — DayakDaily