Bayar dividen tinggi KWSP nadai kaul enggau PRU

File photo for illustration purposes

KUALA LUMPUR, Feb 12: Bayar dividen Kumpulan Wang Simpanan Pekerja (KWSP) ke pemadu tinggi ari ke sebedau tu nadai kaul enggau pengawa bepilih besai.

Menteri Komunikasi enggau Multimedia Datuk Seri Dr Salleh Said Keruak madah, ulah penyakal ke nguna isu nya ti madahka bayar KWSP nya ā€˜dividen taun pengawa bepilih besaiā€™ mega udah dijangka.

ā€œKe benar, bayar dividen KWSP nambah bererengat kenyau beberapa taun ke sebedau tu lalu ukai semina ba taun tu.

ā€œBa taun 2014 enggau 2015, KWSP udah mantaika bayar dividen lebih tinggi dibanding enggau 2013, ke mega taun pengawa bepilih besai. Nyadi nya nadai kaul enggau pengawa bepilih besai,ā€ ku Salleh nengah tulis dalam blog iya, kemari.

Ku iya, nyema KWSP meri dividen ke pemadu baruh taun tu, penyakal deka nguna pekara nya nyadika bukti ekonomi diatu benung enda manah lalu menua deka bankrap

Salleh mega madah, kaban ekonomi menua tasik mega melabaka pemansang ekonomi ke tinggi deka nyadi di Malaysia.

ā€œRayat Malaysia ti raun ke menua nambah ninting taun bepelasarka statistik ke digumpul. Lebih 26 juta temuai ari menua tasik mega datai ke Malaysia ba taun 2016 lalu dijangka nambah 30 juta nyerumba 2020.

ā€œTu ukai kelai menua bisi penanggul,ā€ ku iya. ā€” DayakDaily