KUALA LUMPUR, Jan 16: Taja pan berita selebubu melabaka Pengawa Bepilih Besai (PRU) deka diatur dalam bulan Mac, tang berita ke pemadu baru madahka pengawa bepilih nya dijangka diatur dalam bulan April tauka nangkanka nya.
Nitihka pemadah, surat ti dikeluarka Sekretari Dewan Rakyat Datuk Roosme Hamzah madahka Parlimen 2018 deka baum ari Mac 5 nyentuk April 5.
Taja pia, ukai reti Parlimen enda tau direrak maya aum nya, tang mayuh orang pechaya pekara nya dipelaba enda nyadi.
Dalam surat nya, Sekretari Dewan Rakyat Datuk Roosme Hamzah madahka aum Parlimen nya deka dipenyadi Yang di-Pertuan Agong Sultan Muhammad V.
Iya mega minta kaban Parlimen mantaika tanya sida sekalika nengah chara bejaku tauka betulis ngagai opis Sekretari Dewan Rakyat nengah e-mel tauka faks.
Sebedau tu angat dikejaku tauka dipelabaka Menteri Besai Datuk Seri Najib Tun Razak deka ngererak Parlimen pengudah pengerami Taun Baru Cina.
Pekara ngaga garis entara baru sitak enggau pengawa ngagihka BR1M antara pekara ke pemadu diperunding sebedau PRU diatur. — DayakDaily
