Tanah tusur ba ujung Jematan, dua rumah panjai di Song napi pemar

Sign warning about falling rocks. — DayakDaily.com file pic. // Photo: Pixabay

SONG, Jan 16: Peranak ba dua buah rumah panjai ditu betapi enggau pemar pengudah tanah ba ujung sebuah jematan ke suah di tengah sida tusur.

Tukang Pengerembai Berita Opis Bomba enggau Penyelamat Malaysia (JBPM) Sarawak madah, jematan ke betapi enggau tanah tusur nya Jematan Sungai Engkabau, Jalai Tada, Rumah Dellok.

Ku iya, sida nerima kangau pasal penusah nya jam 12.08 tengah malam ensana.

“Raban Bomba berumban ngagai palan nya sereta meda tanah tusur nyadi ba ujung jematan besi nya ketegal ai sungai nya bah kena Hari Minggu tu nyin tadi, ” ku iya.

Ku iya, ketegal tanah tusur nya, jalai ke nyambung ngagai dua rumah panjai nya enda ulih ditengah perengka pengangkut.


Berindik ari nya, siti plywood udah diengkah ba ujung jematan tanah ke tusur nya ngambika ulih ditengah mutosikal enggau orang ke bedarat,” ku iya.

Raban Bomba nya bisi madahka pasal penusah nya ngagai Komiti Mutarka Penusah Ngenyit Pelilih Song enggau JKR Song. — DayakDaily