Sarawak deka nyadi hub pengeluar nenas MD2

Deputy Chief Minister Datuk Amar Douglas Uggah Embas

KUCHING, Jan 16: Kaunsil Industri Nenas Malaysia (LPNM) deka nempa Sarawak nyadi hub pengeluar nenas premium MD2 nengah ungkup belanja RM300,000 dikena ngemansangka tanah ke pemesai 4 hektar ke tuju dieksport ke China.

Sapit Kepala Menteri Sarawak Datuk Amar Douglas Uggah madah, ari semua kandang endur projek, 827 hektar ari nya endur nanam varieti MD2.

Iya ke mega Menteri Betanam Betupi Moden, Tanah Adat enggau Pemansang Kandang Sarawak madahka negeri tu bisi endar jalai dimaju nengah pengawa nanam nenas laban ngembuan tanah ke besai, ungkus pengereja pengawa ke baruh sereta semak alai ngajung asil.

“Sektor tu mega ulih meri pemaik ngagai pengemeran kelebih agi pekebun kecil,” ku iya lebuh Bejadi Projek Perintis Nanam Nanas Premium Negeri Sarawak di Kampung Padang Pan Bau, urung 30 km ari diu kena Hari Enam nyin tadi, pia ku penerang ari Unit Komunikasi Korporat LPNM kemari.

Sama bisi datai Sapit Menteri Industri Betanam Betupi enggau Bumai Datuk Anthony Nogeh Gumbek, Chairman LPNM Datuk Samsolbari Jamali, Sapit Ketua Sekretari (Polisi) Opis Menteri Betanam Betupi enggau Industri Datuk Sallehhuddin Hassan.

Uggah ngarapka LPNM majak mantu pengemeran enggau pekebun nenas dikena nyungkak penatai pemisi sida ngagai RM 4,000 sebulan. — DayakDaily