KUCHING, Mei 26: Komiti Mutarka Penusah Ngenyit Negeri ngerikodka 10 kes positif rabies di Bagi Menua Kuching enggau Serian, berengkah ari Julai 2017 nyentuk Mei 23 tu tadi.
Komiti nya madah, ari penyampau nya jumlah semilan kes udah parai, lalu siti agi kes udah dipansut ari sepital sereta diperubat di rumah.
Kena Mei 10, Opis Menteri Pengerai bisi madahka siti kes baru disahkan ari Kampung Sandong, ti ngujungka empat kes rabies nyadi ba mensia ti tukuka nyadi di Sarawak taun tu.
Nyauka setaun igi penyakit nya nyadi, Perintah Sarawak ngelalau mensia mayuh kelebih agi ti diau di Bagi Menua Kuching, Samarahan, Serian, Sri Aman, Betong enggau Sarikei ngaambika semampai nyeliahka diri ari dirampit penyakit Rabies nemgah chara ke patut. — DayakDaily
