Unit Langit Bomba ngena chara ‘water bombing’ ngerara tanah kerapa angus di Miri

Unit Langit Bomba ngena chara 'water bombing' ngerara tanah kerapa angus.

MIRI, Ogos 18: Unit Langit Bomba Miri ngena chara manjah ai langit tauka  “water bombing” ngerara api ti ngangus tanah kerapa ke udah semak enggau kandang Komplek Kebajikan Hamidah Yakub di Permyjaya ditu sehari tu.

Ketuai Bomba enggau Penyelamat Miri Law Poh Kiong, madahka operasi udah dipejalaika begulai enggau Unit Langit Bomba Miri ti ngerara api ngena chara “water bombing”, kelimpah bantu ari operasi ngerara di darat, nguna 1,590 liter ai ke dipanjah unit langit nya ba sekeda kandang endur ke angus nya.

Bala Bomba ngerara api ari darat
“Penusah angus nya nyadi ba kandang endur ti mungkur pemesai 32 hektar, naka ke diatu api nya empai dipadam ambis tang ulih dijaga laban empai nyerarai ngagai endur bukai,” ku iya ditu tadi.

Law madah, ba jam ke sama asap agi ba endul kandang tanah kerapa ti udah dipadam nguna chara “water bombing”.


Ke rekod Komplek Kebajikan Hamidah Yakub dikempu Lembaga Kebajikan Anak-anak Yatim Sarawak (Peryatim), endur bala anak patu balu pupu bansa ngenduh di Sarawak ke beumul tujuh ngagai 19 taun. — DayakDaily

RELATED ARTICLESMORE FROM AUTHOR