SUPP gagit deka ngulu aum nentuka kuing parti komponen BN negeri

Dr Sim Kui Hian. — DayakDaily.com file pic

KUCHING, Mei 18: Parti Sa’ati Rakyat Sarawak (SUPP) gagit deka ngulu aum nentuka endur penuduk parti komponen Barisan Nasional (BN) pengudah alah ba renggat nasional dalam pengawa bepilih besai kena Mei 9 tu tadi.

BN semina menang ba 79 ari 222 kerusi ke endur sida minta pilih.

Presiden SUPP, Datuk Dr Sim Kui Hian madah ba sebengkah penerang, aum nya diatur ngambika perintah BN ngelala pengelemi lebuh bejalaika pengawa ngiring negeri sereta negapka pengering enggau integriti lebuh bejalaika pengawa, ngaga polisi enggau merambu ekonomi.

“Kami pechaya empat buah parti politik negeri tu deka majak berakup ngulihka pulai hak, pengelebih enggau pemerat Sarawak ari baruh Sempekat Malaysia, Konstitusyen Perinrah Besai tauka Negeri tauka undang-undang bukai ke majak udah lenyau ngelama tu,” ku iya.

“Ati enggau runding kami enggau rayat. Kami komited nempa Sarawak ke kering agi ti tau ngemegahka kitai,” ku iya.
Penganalisis politik pechaya BN Sarawak dwka pansut ari BN pusat sereta numbuhka gempung baru dikena negika hak Sarawak berindik ari ubah dalam landskap politik pengudah PRU14. — DayakDaily