Beratus kutak, bepuluh beg dirampas ari kondominium Najib

Royal Malaysia Police logo.

KUALA LUMPUR, Mei 18: Polis Malaysia udah ngerampas 284 iti kutak ke ngundan beg sandik enggau bepuluh iti beg ti penuh enggau duit sereta barang emas ari rumah kediri ex-menteri besai Najib Tun Razak kena pagi Hari Lima (Mei 18).

“Utai nya dibai pansut ari kondominium mar nya maya dinihari baka barang emas, jam enggau sekeda barang ke berega bukai,” ku polis.

Ketuai polis unit mansik pengawa jai komersil Malaysia Amar Singh Ishar Singh, madah ngagai media tumu pagi tadi madahka ungkus barang ke dirampas mar ditentuka lengkas laban penyampau nya mayuh.

“Pegawai kami meresa beg nya lalu tetmuka bemacham mata duit nyengkaum ringgit Malaysia, dollar US, jam enggau barang emas dalam 72 iti beg,” ku iya.

Ku Amar Singh, beg sandik ke dirampas nya ngembuan chap baka Hermes enggau Louis Vuitton.

Polis udah ngeruga ba enam premis nyengkaum opis menteri besai enggau rumah rasmi menteri besai di Putrajaya sereta empt buah rumah kediri ke bisi kaul enggau ex-menteri besai nya, ku Amar Singh. — DayakDaily