Sares diakun, nerima Anugerah ARE 2018

Lightbulb. — DayakDaily.com file pic. // Photo: Pixabay

KUCHING, Mac 15: Skim Bekal Elektrik Alternatif Luar Bandar Sarawak (Sares) diakun ba renggat entarabansa nerima Anugerah ARE 2018 ari baruh kategori perintah Afrika, Asia enggau Amerika Latin.

Nerima anugerah nya ngarika Perintah Negeri Sarawak, Menteri Utiliti Dato Sri Dr Stephen Rundi Utom ba Aum ‘Pelaburan Akses Tenaga ARE Ke-4’ di Catania, Sicily.

Sares diempu perintah negeri sereta dipejalaika Sarawak Energy Berhad nyendiaka bekal elektrik 24 jam ngagai lebih 40,000 peranak menua pesisir enggau 8,700 ruang bilik nyerumba taun 2020.

Menua pesisir ke bisi kena bungkur nya baka Ulu Skrang, Katibas, Nanga Merit, Bukit Mabong, Tinjar, Long Bedian, Telang Usan, Bario, Julau, Tatau, Sungai Gaat, Sungai Pila enggau Medamit.

Projek inovatif RM500 juta itu nguna alternatif teknologi solar enggau mikrohidro ungkup peranak ke diau di menua pesisir berengkah ari taun 2016.


Projek nya meri pemaik bekal elektrik ngagai 90 genturung pendiau ujung taun 2018 ke alai 210 buah genturung bukai bulih perengkaguna bekal elektrik Sares nyerumba 2020.

Rundi lebuh ke bejaku maya malam anugerah nya madahka nyerumba taun 2025, Sarawak nagit nyendiaka 100 peratus bekal elektrik ngagai semua rayat.

Rundi madahka tanggungjawab nyendiaka elektrik ngagai negeri ke mayuh bebukit enggau sungai ke alai nyauka setengah ari penyampau rayat diau di menua pesisir siti pengawa ke mar.

Lebih 250 iku pesereta ngulu aum ke diatur enggau tuju meri penerang silik bekaul polisi sektor kuasa beresi enggau trend batang industri lalu mai mensia mayuh ke diau di menua pesisir nyingkang ngagai ekonomi dunya ke majak ngerembai. — DayakDaily

Share this article!