KUCHING, Mei 30: Direktor Opis Pengerai Negeri Sarawak, Dr Jamilah Hashim, masahka Sarawak nadai betapi enggau penanggul penyakit Ebola.
Ku iya, nengah peresa ba suspek, siku lelaki Iban, ke beumur 47 taun ari Kapit, ditemu nadai mandangka sereta kelai sejarah dirampit penyakit Ebola.
“Tang suspek ngembuan kelai dirampit penyakit ti meri penanggul ngagai urat untak.
Ku iya, suspek mengkang empai ngeleda sereta ngena kerwban sukung enseput.
“Sida ba sepital kesal ati lebuh dipadahka dan suspek baru pulai gawa ari Republik Congo di Afrika, tiga zon ke ditemu ngembuan igi penyakit nya.
“Nya ngujungka raban ke gawa nya ngambi singkang bejejaga nyengakum nguna baju khas lebuh ke meres, ku iya lebuh ke dikerandau maya ngabas Bazar Ramadan Medan Niaga Satok lemai tadi.
Ku iya, taja pia sida agi nganjung peresa ngambika sida ulih ngelala virus ti ngerampit suspek nya.
Ngenang pasal pengawa matau Bazar Ramadan, Dr Jamilah madahka nya siti ari pengawa opis pengerai ke meresa tetiap Bazar Ramadan dikena nentu tikas pemeresi dititihka.
“Sekumbang dua minggu kani bepuasa, kami udah meresa 1,911 premis endur makai enggau pemekal ais.
“Ari penyampau nya, 128 kompaun udah dikeluarka ngagai penyual pemakai lalu dua kompaun agi ngagai pemekal ais, ti ngelanggar atur pemeresi,” kau iya. — DayakDaily
