Bekal barang ungkup Gawai, Aidilfitri chukup di Miri

Pegawai KPDNKK melakukan pemeriksaan harga di sebuah pasar raya. - gambar fail

MIRI, Mei 30: Opis Menteri Dagang Dalam Negeri, Koperasi enggau Pekara Bebeli Barang (KPDNKK) meri jamin ke alai bekal barang ke diguna maya Gawai engau Hari Raya Aidilfitri ungkup mengeri Miri chukup.

Ketuai Pampang KPDNKK Miri Joe Azmi Jamil madah lebuh ke meresa ba pasar basah di Krokop pagi tadi madahka nadai nerima sebana ari bala penyual bekaul penanggul stok bekal barang ke diguna ninting hari penguna ditu ungkup pengerami bagi Hari Gawai ke disambut Jun 1-2 lalu Aidilfitri disambut Jun 15.

“Bekal barang baka manuk, sayur enggau minyak makai chukup ungkup dua bengkah pengerami nya di negeri tu,” ku iya madah ngagai pemberita pengudah ngabas Pasar di Krokop pagi tu tadi.

Berebak enggau nya, Joe madahka orang dagang enda tau meri sebarang kebuah enda ulih nurunka rega barang pengudah Jun 1, 2018 laban stok barang ke dibeli nya nyengkaum Chukai Barang emggau Servis (GST) ke agi diterit maya ke diatu nya deka ngerugika sida.

“Perintah udah netapka nadai agi GST berengkah ari Jun 1, semua orang dagang meseti nurunka rega barang tauka sida deka diukum ari baruh Seksyen 14 Akta Kawalan Harga dan Antipencatutan 2011,” ku iya seraya madahka pengawa matau deka dipejalaika KPDNKK Miri. — DayakDaily