Raban Nembiak, Indu dipinta nyaup ngemujurka Ekonomi Digital

Datuk Patinggi Abang Johari Tun Openg

KUCHING, Feb 9: Kepala Menteri Sarawak, Datuk Patinggi Abang Johari Tun Openg dekaka Nembiak enggau Parti Pesaka Bumiputera Bersatu (PBB) regas ngemujurka pemansang enggau ekonomi Sarawak nengah Ekonomi Digital.

Ba jaku iya dalam bup tusun program bejadi Gempuru Besai raban Nembiak enggau Indu, iya dekaka raban nya ngemujur pelin timpuh panjai nengah bemacham inisiatif dikena nyapai objektif nya.

“Aku pechaya pampang Indu enggau Nembiak ulih nyaup ngemujurka juluk tu.

“Program ba renggat ke baruh ti fokus agi ngagai Ekonomi Digital patut nyadi siti batang pelasar ditegika parti tu.

“Gempung pengawa tu ulih ngangkatka negeri tu nyadi negeri maju dalam Malaysia nyerumba ba taun 2030.”

Ba ujung jaku pesan nya, iya mai raban nembiak enggau indu sama nentuka tampung adat enggau penyerakup nyapai semua pemutus enggau pengawa ti dipejalai dikena nentuka PBB semampai nyingkang maju ke mua. — DayakDaily