KUCHING, Mei 25: Kaban Kaunsil Direktor Bank Pembangunan Sarawak (DBOS) ke baru dipadu empai lama udah nemuai meri basa ngagai Kepala Menteri, Datuk Patinggi Abang Johari Tun Openg ba opis iya di Dewan Kunsil Negeri Sarawak ditu.
Delegasi lima kaban nya betuaika Chairman Lembaga Direkto DBOS, Tan Sri Mohamad Morshidi Abdul Ghani ke mega Sekretari Perintah Negeri Sarawak.
Kaban Lembaga nya Datuk Sharkawi Alis, Christopher Adrian, Ho Swee Huat, Datu Laura Lee Ngien Hion (Sapit Sekretari Wang Negeri) enggau Ketuai Pemesai Eksekutif DBOS, Sim Kheng Boon.
Ketuai Menteri udah nya meri penerang sentang bemacham operasi bank nya. — DayakDaily
