SRI AMAN: Pesta Lingga 2017 deka diatur ba Waterfront Sungai Lingga berengkah ari 24 nyentuk 26 November tu ila.
Kaban Kunsil Nengeri Lingga, Simoi Peri madahka pengerami nya ke diatur kenyau beberapa taun ke udah, digaga nyadika pengerami ke diatur ninting taun.
Pengerami nya mega deka nyadi platform ngelakuka Lingga nyadi palan endur nemuai ke tebilang sereta ngangkatka agi nama Lingga ti pegari enggau IkanTerubok, ku iya.
Simoi mega madah maya nya ila mayuh bengkah aktiviti bisi diatur baka Lumba Perau, Panggau Pemerindang, Bansal Bejualka Ai Irup enggau Pemakai sereta mayuh agi ke bukai, ku iya ba aum bekaul enggau pengerami nya ba Opis Pelilih Sri Aman pagi kemari.
Ku iya, pengerami tu ila dikearap ulih negapka kaul pupu bansa ngelingi Lingga.
Sama bisi ngulu aum nya, Sapit D.O Pelilih Sri Aman, Hamdan Katang, Pemesai Nguasa Opis Pelilih Mit Lingga, Mohammad Firdaus, Temenggong Abang Bohari Abang Zen enggau ke bukai.
