Peratus nembiak ke betubuh bisi, nurun naka bulan Jun 2017

Pregnancy. — DayakDaily.com file pic. // Photo: Pixabay

SIBU: Kaban Kunsil Nengeri (ADUN) Tamin Christopher Gira madah, bisi 1,135 kes nembiak ke betubuh bisi diripot nyadi di Sarawak ari bulan Januari – Jun 2017.

Taja pia, dalam timpuh nya mega enggau ari penyampau nya bisi dipeda nurun 14.7 peratus.

Peratus ke nurun nya meri kelai One Stop Teenage Pregnancy Committee (OSTPC) ti ditumbuh kenyau ari taun 2014, bisi meri empas positif.

Taja pia ku iya, statistik nya agi tinggi laban rikod 2016 mandangka 2,481 itu kes dirikod semanjai taun nya.

Ku Gira, Opis Menteri Pengelantang Pendiau Komuniti, Orang Indu, Ruang Bilik enggau Pemansang Nembiak mit nagit ngurangka ikas 10 peratus nembiak ti betubuh bisi.


Iya bejaku munyi nya lebuh bejadi ‘Program Advokasi Pendidikan Seksual’ di SMK Luar Bandar Sibu, empai lama udah.

Enggau tu Gira, ngarapka perintah nguna modul Pelajar Pengerai enggau Sosial Reproduktif ba sekeda palan nembiak nyengkaum nengah Program Latih Taluk ke Bansa enggau sekula ke dipilih.

Ku Gira baru, pemadah sereta akses ngagai penerang bekaul pengelikun baka kontrasepsi (nyeliah ari betubuh bisi) mengkang mar diulih ari raban nembiak di Malaysia.