Pansik ba utai tanam ti tau dikemansang nyadi industri patut dipejalaika — PM

Tun Dr Mahathir Mohamad

KUALA LUMPUR, Sept 6: Malaysia meseti ngaga pansik ngagai utai tanam ti tau dikemansangka nyadi industri ke mujur sama baka minyak sawit enggau getah, ku Menteri Besai Tun Dr Mahathir Mohamad.

Ku iya, pun sawit enggau getah datai ari memya bujai tang dikemansangka di Malaysia ngambika nyadi komoditi eksport besai menua.

“Pansik ngagai utai tanam ke mayuh guna ti ulih kitai twnam di menua tu,” ku iya lebuh bejadika Aum enggau Pemansang Sarung Jari Getah Entarabansa Kesembilan (IRGCE 2018) ditu Hari Dua tu tadi.

Sama bisi datai, Menteri Industri Besai Teresa Kok.

Ku Dr Mahathir, berkata Malaysia udah ngemansangka dandang sawit enggau getah nengah chara ke nadai di menua bukai.

“Bakani chara tai tanam nya diintu sereta dikena ny patut diperundingka kitai. diurus dan Mayuh agi idea bakani deka ngena semua produk nya, manah agi lalu mayuh agi duit ke deka diulih kitai,” ku iya.

Iya mega pechaya industri getah deka majak ngerembai disukung nengah pansik enggau pemansang (R&D) taja pan industri minyak sawit besai agi diatu.

“Kitai udah ngemansangka teknik nangkal getah sereta nanam klon ti meri kitai asil ke.manah agi. Bansa ke pemadu baru pun getah diatu mega ngemansutka mayuh agi tusu getah taja pan saiz iya mit agi dibanding enggau bansa ke sebedau tu,” ku iya.

Ku Menteri Besai, pansik enggau pemansang mega mantu ngasilka produk baru baka sarung jari getah enggau perabot ari kayu getah dikena nentuka bagi industri getah idup belama.

“Bisi peluang Malaysia terus ngasilka getah sereta nengkebang guna baru getah.

“Akh melabaka industri ulih terus betan sereta ngemansutka bebilion sarung jari jemah ila sereta nyaup negapka ekonomi Malaysia,” ku iya.

Berebak enggau nya, Dr Mahathir adahka perintah besemaya pulai baru ngagai jeman Malaysia digempung (incorporated) ke alai menua dianggap nyadi siti gempung besai lalu perintah enggau sektor peribit sama bepanggai ba pangan diri ke pemaik menua.

“Ukai ketegal perintah enda beratka diri empu. Enti kami mantu kita ngulihka mayuh agi duit, nya laban 26 peratus ari penguntung kita nya diempu perintah,” ku iya.

Ku iya, nengah chara mantu sektor peribit ngilihka untung besai, pemisi perintah mega deka betambah.

“Ari nya, kitai bisi duit dikena nyukung industri, rayat sereta nyendiaka atur intu ke manah,” ku iya.

Pemandang sarung jari getah ke.pemadu besai di dunya nya diatur pengelama tiga hari berengkah ari kemari, ti udah matak 213 iku orang ke mandang ari 14 menua nyengkaum Malaysia, China, Amerika Syarikat, Thailand, Taiwan, Singapura, Indonesia, Australia, Jerman, Jepun, Switzerland enggau United Kingdom. — DayakDaily