KUCHING, Okt 24: Soldadu Langit Kuching (TUDM) bisi nerima penatai mensia mayuh kena Hari Enam tu beserimbai enggau ‘Hari Terbuka’ TUDM.
Berebak enggau nya, lapan buah jet soldadu langit bisi dipandangka.
Ku Pemesai Pengerembai Kaul Ngagai Mensia Mayuh, Mejar Marina Harun mensia mayuh tau datai ngagai TUDM Kuching berengkah ari pukul 8 pagi nyentuk 5 lemai.
Marina mega madah, entara aset langit ke bisi dipandangka maya nya baka Sukhoi SU-30 MKM, Boeing F/A-18D Hornet, Bae Hawk enggau Bilun Pengangkut Airbus A-400M, ti deka mantaika penyikar terebai kelimpah mandangka aset bukai.
Dikena meransang sereta ngelantangka penatai mensia mayuh, serbis bas pulai mansang ngagai Pangkalan Soldadu Langit Kuching bisi disediaka ba tiga bengkah endur baka ari Kem Semenggok, Dewan Mayuhguna Kota Sentosa nggau aru sebuah palan beneli barang di Kota Sentosa.
TYT Sarawak,Tun Pehin Sri Abdul Taib Mahmud entara temuai ti dipebasa dipelabaka bisi datai ngagai ‘hari terbuka’ nya muak ke lemai. — DayakDaily
