KUALA LUMPUR, Ogos 3: Perintah melanja RM8.43 bilion dikena bejalaika Program Latihan Khidmat Negara (PLKN) kenyau dipunka ba taun 2004.
Menteri Ngetan Menua, Mohamad Sabu madahka belanja pemadu besai iya nya 43 peratus dikena nyewa kem latih.
“Sepanjai 14 taun dipejalaika, sepenyampau 885,956 nembiak udah mujur dilatih lalu ari penyampau nya, 356,411 bekas pelatih udah nyereta briged volunteer servis menua,” ku iya ba sesi Tanya Menteri di Dewan Rakyat sehari tu.
Iya bejaku munyi nya nyaut tanya Wong Hon Wai (DAP-Bukit Bendera) sentang penyampau belanja akumulatif PLKN enggau asil iya.
Ku Mohamad, taja pan manifesto Pakatan Harapan ba Pengawa Bepilih Besai ke-14 madahka program nya deka diketu, tang opis menteri iya udah numbuhka sebengkah komiti beratika baru pengasi enggah empas nutup khas program nya sebedau ngaga pemutus. — DayakDaily
