Tiga buah sekula di Miri ditutup ketegal ampuh bah

A file photo of previous flooding experienced at SK Bukit Balai, Bintulu.

MIRI, Ogos 3: Sepenyampau 195 iku nembiak ari tiga sekula di Subis, Miri, enda ulih besekula sehari tu ketegal ampuh bah.

Sekretariat Komiti Mutar Penusah Ngenyit Negeri Sarawak (JPBNS) madahka Sekula Primari (SK) Beliau Ahad, SK Kampung Bulau enggau SK Rumah Essau enda ulih beoperasi sehari laban paras ai di semua sekula nya niki ngagai 0.3 meter.

“SK Sungai Genaan di Sebauh, Bintulu ke ngembuan 26 nembiak mega ampuh bah, tang agi beoperasi,” ku iya ba peneran pagi tu.

JPBNS madah, bepelasarka pelaba gaya hari ari opis Meteorologi pukul 9.30 pagi, hari dipelabaka ujan ba siti dua endur di Sarawak muak ke pagi.

“Biau balai dipelabaka nyadi ba siti dua endur tauka di menua pesisir muak ke lemai lalu ujan muak ke malam ba siti dua endur di menua pesisir ,” ku iya. ā€” DayakDaily