TEMERLOH, Jun 29: Opis Menteri Pengawa Berumah enggau Kaunsil Kandang Menua udah ngelala lebih 60 balai bomba di serata menua udah balat jai sereta patut dikemanah nyengkaum ngaga baru ba palan ke baru.
Menteri opis nya Zuraida Kamaruddin madah, tebal agi balai bomba nya udah lama didiri sereta ba lot bangunan kedai ti enda ba endur ke patut berindik ari pemansang kandang endur nya.
“Tebal agi nya didiri rambau pasar tauka kandang endur nya apin dikemansang, nya kebuah lebuh udah mansang, penyampau tubuh majak mayuh. Kitai meseti meda penengkeman enggau pansik baru alai nya.
“Naka ke diatu opis menteri udah ngelala lebih 60 balai bomba ti meseti dikeluarka ari kandang bangunan kedai ngabika digaga baru ba endur baru dibina dalam timpuh lima taun,” ku iya dalam aum media pengudah bejadi Balai Bomba enggau Penyelamat Bukit Angin ke beungkus RM14 juta ti tembu kena 13 Sept 2013 ditu kemari.
Sama bisi datai Kepala Sekretari opis menteri nya Datuk Seri Mohamad Mentek, Kepala Direktor Opis Bomba enggau Penyelamat Malaysia (JBPM) Muhammad Hamdan Wahid Direktor JBPM negeri, Datuk Abdul Wahab Mat Yasin sereta MP Temerloh Anuar Tahir. — DayakDaily
