KPNKK S’wak udah mujur ngerampas barang dagang sepenyampau RM280,751

Grocery store aisle and shelves. β€” DayakDaily.com file pic. // Photo: Pixabay

KUCHING, April 16: Bagi Penerit Adat Opis Menteri Dagang Dalam Negeri Koperasi enggau Pekara Bebeli Barang (KPNKK) Sarawak udah ngerampas bemacham bansa barang dagang ke beungkus lebih RM280,751 lebuh ke meresa 12,359 premis dagang kenyau ari pun taun tu.

Ketuai opis nya, Abdul Hafidz A Rahim madahka pengawa meresa nya dipejalaika kenyau ari Jan 1 nyentuk April 10 ke mungkur 9,377 premis dagang ba kandang mengeri enggau 2,982 di menua pesisir serata Sarawak.

Ku iya, dalam timpuh nya mega 127 penyalah bekaul dagang udah dikompoun ketegal bemacham penyalah, ti manggai RM 12,950.

Ku iya, entara penyalah baka ngelanggar undang-undang nitihka Akta Tagang Rega enggau ‘Anti Pencatutan 2011’, Akta Timbang enggau Sukat, Akta Kawalan Bekalan 1961 enggau Akta Perlindungan Pengguna 1999.

Abdul Hafidz madah munyi nya lebuh dikerandau pengarang berita beserimbai enggau Hari Penguatkuasaan Ke-46 KPDNKK renggat negeri nyerumba beserara enggau iya, ba indu opis opis menteri nya ditu berengkah ari sehari tu ke deka dipangku Mohd Nawawi Abdul Rahman. β€” DayakDaily