SIBU, Jun 15: Penguna dipinta ngeripot ngagai Opis Dagang Dalam Negeri Koperasi enggau Bebeli Barang (PPDNKK) Sibu nyema bisi tetemuka nadai ubah ba rega barang pengudah Chukai Barang enggau Servis (GST) enda diteritka agi.
MP Lanang Alice Lau Kiong Yieng madah, rega barang patut murah agi pengudat GST diketuka berengkah ari pun bulan tu tadi.
“Patut bisi ubah ba rega barang pengudah GST diketu. Taja pia bisi barang ke nadai berubah rega laban sebedau Jun 1 barang nya sigi nadai GST,” ku iya rambau aum media di indu opis DAP Sibu di Taman Rajang ditu kemari.
Ku iya, mensia mayuh patut nentu sekalika rega barang nya bisi GST tauka nadai sebedau tu sebedau sida ngaga ripot.
Sida tau nanya ngagai PPDNKK Sibu ba Tingkat 1, Wisma Persekutuan Blok 3, Jalai Persiaran Brooke ba lumur 084-329202; pusat kangau setempat (03-8000 8000); lumur nadai tol Pusat Oemadah enggau Operasi Strategik (03-8882 6245/6088); nguna aplikasi telefon pintar ‘Ez ADU’ tauka emel ngagai mailto:e-aduan@kpdnkk.gov.my
Ba aum media nya mega Lau minta Majlis Perbandaran Sibu ngaga siti Facebook ngambi ngemuntangja mensia mayuh ngenataika sebana sida. — DayakDaily
