Sim keran semua enam kerusi SUPP ke dialahka penyakal

Sarawak United Peoples' Party (SUPP) logo

MIRI, April 16: Presiden Parti Sa’ati Rakyat Sarawak (SUPP), Datuk Dr Sim Kui Hian tetap ngembuan juluk ngambi pulai semua enam kerusi paeti nya ke diempu penyakal diatu.

Ba pengawa bepilih besai (PRU) suba SUPP semina menang ba kerusi Parlimen Serian sereta alah ba semua kerusi majoriti Cina di mengeri.

Bandar Kuching, Stampin, Sarikei, Sibu enggau Lanang dimenang DAP, lalu Miri dimenang Parti Keadilan Rakyat (PKR).

Bejaku ba sebengkah pengerami SUPP ditu kemari, Dr Sim ngakun mar deka menang ba nya, tang pechaya kerusi tetap ulih dimenang enti sida chakah agi gawa.

Miri entara kerusi ke nyadi tagit deka diambi SUPP pulai dalam PRU-14, kelimpah Sibu enggau Stampin.
Barisan Nasional (BN) netapka tagit menang ambis nadai 28 kerusi ba PRU14.

Nengah pemujur besai ku iya, mudah agi Sarawak ngulihka hak iya. — DayakDaily