KPDNKK S’wak ngumpul kompaun RM125,950 sepanjai taun 2017

Grocery store aisle and shelves. — DayakDaily.com file pic. // Photo: Pixabay

KUCHING, Jan 2: Opis Menteri Dagang Dalam Negeri, Koperasi enggau Bebeli Barang (KPDNKK) udah mujur ngumpul kompaun RM125,950 di Sarawak sepanjai taun 2017, dibanding RM81,500 ba taun 2016.

Ketuai Penerit Adat opis nya Abd Hafidz A. Rahim madahka kompaun nya dikeluar ketegal mayuh bengkah penyalah ari baruh atur ti diteritka KPDNKK.

Ku iya, penyampau ke dirampas sepanjai taun 2017 iya nya RM2,132,680.85, dibanding enggau taun 2016 iya nya RM23,026,006.63.

Ku iya, utai ke dirampas enggau kompaun nya dipejalaika nengah pengawa meresa ti dipejalaika ninting hari, beduduk ari sebana enggau operasi ke alai sida udah meresa 67,776 premis sepanjai taun 2017 dibanding enggau 79,360 sepanjai taun 2016.

KPDNKK mega beratka pengawa meri pelajar ngagai pedagang sekalika nengah licha enggau seminar ngambika sida ulih bejalaika pengawa dagang nengah chara ke betul.


“Kelimpah ari nya, pengawa meresa ninting hari di semua premis dagang deka dipajakka kelimpah ngengkahka bala pemesai ba kaunter-kaunter servis penguna di palan besai bebeli barang.

“Kami mega deka ngengkah bala pemesai ba kompleks bebeli barang sereta meransang mensia mayuh nyereta Friends of KPDNKK (FOK) di kena meri pemadah bejaul enggau ulah orang dagang,” ku iya.

Abd Hafidz madahka tu siti ari chara kitai ngiring orang dagang nitihka rega barang ke dijaga maya musim hari besai awakka sida nitihka rega barang ti udah ditetapka perintah. — DayakDaily

Share this article!