Kemesaika bungkur telekomunikasi ba sitak Batang Lupar — Rohani

Women, Family and Community Development Minister Datuk Seri Rohani Karim. - Facebook

KUCHING, Oct 26: Menteri Pemansang Orang Indu, Ruang Bilik enggau Raban Bansa Datuk Seri Rohani Abdul Karim minta opis menteri enggau kompeni penyendia perengka telekomunikasi ngemesaika bungkur telekomunikasi dalam sitak Parlimen Batang Lupar.

Iya ti nyadi Kaban Parlimen Batang Lupar madahka sekeda kandang endur di Batang Lupar nadai dibungkur servis telefon ke lalu nyadi penanggul ngagai rayat di menua nya bejaku enggau pangan diri nyengkaum enggau ke di luar sitak nya.

“Penanggul tu udah ngenusahka peranak ba sitak parlimen Batang Lupar.

“Bungkur telekomunikasi ukai semina matak pemeranak puku ngagai sitak nya (Batang Lupar) tang mega ngemudahka sida bejaku enggau pangan diri ari sebarang endur,” ku iya lebuh bejaku ba Pengerami Nutup sereta Nyuaka Perais Kembara Batang Lupar 2017 ke diatur opis menteri nya ditu empai lama udah.

Iya mega madahka diri udah nulis surat ngagai opis menteri nya enggau kompeni penyedia telekomunikasi sambil minta pemberita ke nyeretai kembara mantaika pekara nya nengah utai ke ditulis sida. — DayakDaily