Kaban Kabinet ti enda bejalaika pengawa enggau manah deka disilih

Tun Dr Mahathir Mohamad

KUALA LUMPUR, Mei 22: Kaban Kabinet ti enda bejalaika pengawa enggau manah tau diketu lalu disilih enggau kaban Parlimen bukai ke bepenau agi, pia ku Menteri Tun Dr Mahathir Mohamad malam kemari.

Ku iya, pengawa nyiri raban menteri Kabinet ukai pengawa ke mudah lalu udah tentiu bisi Kabinet ke chukup manah sereta nadai dibantah mensia mayuh.

“Sigi nadai bisi ‘perfect Cabinet’. Tentu bisi aja pengurang. Bakani pan kitai milih tentu bisi orang enda puas hati. Yang saya pilih ni pun saya tahu ramai yang tak puas ati. Nya alai enda tentu kitai ulih ngemuasaka ati tetiap iku.

“Nya kebuah kitai nguji. Enti (prestasi) enda ngemuaska ati, kitai nyilih engga ke bukai. Tang kitai meri peluang ngambika mayuh orang baru (mengku pengawa dalam Kabinet) lalu pinta orang indu bela deka diperundingka kitai. Nya alai, ukai mudah ngisi Kabinet,” ku iya.

Iya bejaku munyi nya ngagai pemberita pengudah pengawa ngangkat sumpah mangku pengawa sereta taluk enggau sumpah naruh rahlsia 13 menteri Kabinet ba mua Yang di-Pertuan Agong Sultan Muhammad V di Istana Negara.

Dr Mahathir mega madah, iya deka ngatur aum Kabinet taja pan agi bisi pangku pengawa menteri empai diisi.

Ku iya, penyampau ke penudi menteri Kabinet dipelaba manggai 28 iku enti udah ditambah pengari ari Sabah enggau Sarawak.

Dipinta ngenang pasal bantah sekeda orang ba pengawa milih Dr Maszlee Malik nyadi Menteri Pelajar, Dr Mahathir madah: “Iya siku profesor, siku intelektual, enggau siku orang ke landik ba jalai pengarap tang jaku Inggeris iya enda manah.

“Enti kitai milih ke lama aja tauka ti bisi ‘connection’ aja pan tau mega. Kitai meri dulu ngagai orang bukai… kitai nguji dulu.

“Tang tebal agi menteri ke dipilih kitai nadai peneleba.Nya kebuah kitai begunaka bantu ari orang ke landik,” tambah iya. — DayakDaily