Pemintar, peneleba Dr Mahathir ulih ngangkatka Malaysia ngambika dipebasa baru

Datuk Seri Dr Wan Azizah Wan Ismail (photo sourced from https://www.facebook.com/drwawi)

PUTRAJAYA, Mei 22: Datuk Seri Dr Wan Azizah Wan Ismail arap endar pemintar enggau peneleba Tun Dr Mahathir Mohamad ngiring menua sebedau tu ulih ngangkatka Malaysia nyadi menua ti dipebasaka baru.

Sapit Menteri Besai nya madah, nyadi orang baru dalam kabinet, iya gagit amat deka mantu nempa Malaysia baru begulai enggau bala menteri ke bukai.

“Aku gagit amat ngepunka pengawa begulai enggau bala kabinet bukai nempa siti tim ke tegap ngemansangka menua tu.

“Nengah pemintar enggau peneleba ke dikembuan Tun (Menteri Besai Tun Dr Mahathir Mohamad), aku pechaya kitai ulih nempa mayuh agi pemujur ke rayat enggau menua,” ku iya.

Iya bejaku munyi nya ngagai pemberita lebuh ngeripot diri gawa ngagai Menteri Beaai di bangunan Yayasan Kepimpinan Perdana ditu sebedau ngepunka pengawa rasmi ba hari keterubah nyadi Sapit Menteri Besai.


Wan Azizah mega madah, pengawa betemu nya beguna amat laban sida iya laban berandauka beberapa pekara sentang kuing ngiring perintah Malaysia ke baru.

Wan Azizah datai ba laman bangunan yayasan nya jam 9 pagi lalu bekejang 45 minit udah nya. — DayakDaily

Share this article!