KUCHING, Mei 18: Ex-Menteri Kereja Raya Datuk Seri Fadillah Yusof, madahka projek Pan Borneo Highway ke benung digaga diatu deka meri mayuh pemaik ngagai rayat di negeri tu sereta patut dipajakka.
“Perintah baru ti dipegai Pakatan Harapan patut neruska projek ti dipejalaika perintah ke sebedau tu,” ku Fadillah.
Iya ngarapka perintah Pakatan Harapan mantu perintah negeri nampung ngaga semua projek perengkaguna nya.
Iya bejaku munyi nya ngagai media pengudah bejadi Bazar Ramadan Sukma Ria ke diatur DBKU ditu kemari.
Taja pia, iya ngaku sekalika projek nya dipajakka bepanggai ba perintah ke diatu. — DayakDaily
