KUCHING, Dis 30: Presiden Kongres Gempung Gerempung Pengereja Pengawa Perintah (Cuepacs), Datuk Azih Muda madahka Cuepacs Sarawak deka ngaga program ke dikumbai ‘Siri Jelajah TN50’ ditu dalam bulan Januari tu ila ngambika pegereja pengawa kelebih agi raban biak ulih meri penemu dikena ngenegapka servis ke manah ngagai menua jemah ila.
“Aspirasi rebak biak jauh bebida ari aspirasi kitai. Nya kebuah kitai dekaka pengereja pengawa perintah sama meri penemu sida,” ku iya.
Program diatur begulai enggau Cuepacs menua enggau Cuepacs Sarawak ba Insitut Pematih Pengajar di Batu Lintang, ditu kena 22 Januari ngambika ulih ngenataika langgur penemu dikena ngasilka batang penemu ke pemadu manah ungkup rayat, ku iya.
Iya bejaku munyi nya ba aum media pengudah betemu enggau raban Cuepacs Sarawak ba Indu Opis Gerempung Pengajar Bumiputera Sarawak (KGBS) ditu kemari.
Di Sarawak ku iya, sida deka ngangauka pengari ari perintah negeri Sarawak bejuraika pemansang negeri, maya nya ila. — DayakDaily
