Terima kasih, KM — Liwan Lagang

Datuk Liwan Lagang - file pic

KUCHING, Dis 30: Menteri Muda Bekal Ai Ke mega Kaban Kunsil Negeri (ADUN) Belaga Datuk Liwan Lagang madahka peranak Belaga tetap angkunka bala ketuai Barisan Nasional (BN).

Ku iya, BN nyadi pengering peranak di Belaga nya alai pengangkun sida ngagai pati sigi ulih dipechaya.

“Anang irauka pengangkun sida laban sida tetap nyukung BN taja pan bisi ubah ba rintai ketuai parti komponen di negeri tu.

“BN masih tetap diati kami lalu penaluk ngagai BN endang tegap ba peranak di Belaga,” ku iya.

Ku Liwan, penaluk dipandang peranak Begala mega diakun perintah BN nengah pemadah ari Kepala Menteri Datuk Patinggi Abang Johari Tun Openg ke deka ngangkatmanah Jalai Belaga-Menjawah ti sepenyauh 38 kilometer ngena ungkus belanja lengkas RM50 juta.


“Terima kasih Kepala Menteri, nuan datai ba maya ke betul, nuan datai maya kami benung begunaka amat lalu maya kami benung napi pemar.

“Peranak Belaga meri besai terima kasih serera gaga ati ke pengelurus ati enggau komitmen nuan,” ku iya. — DayakDaily