BN Sarawak dipelaba mantaika 15 orang baru ba PRU14

Sign outside polling station. — DayakDaily.com file pic. // Photo: Pixabay

KUALA LUMPUR, Feb 23: Barisan Nasional (BN) Sarawak dipelaba mantaika 15 mua baru ba Pengawa Bepilih Besai Ke-14 enda lama agi, pia ku penganalisis politik, Profesor Madya Dr Jeniri Amir.

Ku iya, enam ari kerusi nya enggai Parti Pesaka Bumiputera Bersatu (PBB).

“Dua iku agi chalun ari Parti Rakyat Sarawak (PRS), siti ari Parti Demokratik Progresif (PDP) lalu lebih nya ari Parti Rakyat Bersatu Sarawak (SUPP),” ku iya ba sesi ‘Randau Betunga Mua Pra PRU14 – Agi BN Tauka…?’.

Iya mega enggau ba randau begulai enggau terlibat tiga panel bukai ngupas tajuk ‘Sabah enggau Sarawak Dalam PRU14: Entara Politik Pemansang enggau Ubah Politik.’.

Ku Dr Jeniri, tebal agi sida tu ditingkilka ketegal faktor umur, pengerai, prestasi, kelalu lama udah nyadi Kaban Parlimen enggau penyarut nyadi ketuai dalam parti.


“Taja pan ngerintaika lebih 45 peratus mua baru, tang BN dipechaya BN ulih menang besai.

“Tu nyengkaum ngambi pulai dua kerusi ti diempu Parti Tindakan Demokratik (DAP), Sibu enggau Miri.

“Nya enti SUPP mantaika chalun ex-Residen Sibu, Hii Chang Kee ba Parlimen Sibu enggau Datuk Sebastian Ting ba Parlimen Miri.

Iya mega bisi nyebut tujuh kerusi dipelaba ‘angat’ diperebutka nyengkaum Stampin, Saratok, Sibu, Sarikei, Miri enggau Baram. — DayakDaily