30 pintu kuarters pekereja angus di Bintulu

Firefighters. — DayakDaily.com file pic. // Photo: Pixabay

BINTULU, Feb 23: Dua ratus pekereja sebuah kilang di Taman Industri Samalaju ditu nadai agi alai diau pengudah kuarters sida angus ba penusah ke nyadi lemai kemari.

Kepala Balai Bomba enggau Penyelamat Bintulu Mohd Meramit madahka penusah angus nya nyadi urung pukul 6 lemai nya dipelaba berengkah ari blok kedua kuaters nya ti lalu nganguska 30 pintu kuarters nya.

“Semua kuarters nya bisi 50 pintu ke diuan 300 pekereja kilang ke alai 30 pintu angus tang 20 pintu ulih diselamatka,” ku iya.

Mohd madahka nadai nyadi bebadi tauka bisi bakal laban sida sempat ngelarika diri.

Ku iya, kebuah angus enggau pengerugi agi ditasat. — DayakDaily