KUCHING, Feb 8: Opis Pelajar Negeri madahka bisi 55 buah sekula di serata negeri ditutup ketegal penusah ampuh bah.
Pengari Sekretariat Mutar Penusah Ampuh Bah Negeri, Ismail Mahedin madah, nya udah ngujungka 6,637 iku nembiak enggau 857 iku pengajar sereta 332 staf ukai pengajar enda ulih ke sekula.
“Ari penyampau nya, 13 buah sekula di Selangau; Limbang (12); Mukah (8); Dalat (7); Lawas (6); Baram (5); Samarahan (3); Bintulu lalu di Serian, Julau enggau Sebauh sama (2) buah sekula.
“Bisi 11 buah sekula dibuka nyadi palan ngenduh iya nya SK Haji Bujang Rangawan; SK Mang; SK Haji Kelali Semera; SK Parish, Balingian; SK Tanah Putih enggau SK Bukit Arip.
“Palan Ngenduh ke bukai iya nya SJK (C) Tong Ah; SK Pangkalan Sorak Melayu; SK Menuang; SMK Julau No 2 enggau SK Kuala Serupai. — DayakDaily
