Bau bisi potensi endur nanam kulat tiram kelabu

Oyster mushrooms. — DayakDaily.com file pic. // Photo: Pixabay

BAU, Feb 25: Bau bisi potensi besai endur nanam kulat tiram kelabu ke bisi peminta tinggi ari dalam enggau menua tasik, pia ku Sapit Menteri Bumai enggau Industrj Betanam Betupi, Datuk Anthony Nogeh Ngumbek.

Iya madah munyi nya beduduk ari gaya rampa ti engkeman endur nanam nua, lalu Institut Mansik enggau Pemansang Pengawa Betanam Betupi Malaysia (MARDI) enggau Opis menteri iyanguji deka ngelakuka pengawa nanam kulat tiram kelabu ngagai raban orang betanam di menua nya.

Ba taun 2016, penyampau eksport kulat tiram nya manggai RM 67 juta ti ngeluarka 4,200 tan metrik dibanding enggau RM 12 juta ba taun 2000, kus bejaku ba aum pemberita pengudah bejadi Kus Nanam Kulat Tiram Kelabu ba Redeem Centre, Genturung Pendiau Apar Singau Bau, urung 65 kilometer ari Kuching, kemari.

“Tu mandangka penyampau nya nambah belipat sereta ngemegahka kelimpah ulih nambah penataj pemisi orang bekebun dalam sektor betanam betupi. Nya kebuah kitai dekaka mayuh agi orang betanam di Mas Gading enggau ba bidang nanam kulat tiram ngambika ulih ngerembaika ekonomi ditu,” ku iya.

Lebih 200 iku pesereta enggau ba kus tj diatur MARDI bekaul teori enggau praktikal chara nanam kulat tiram kelabu nya.

Sama bisi datai, ADUN Opar Datuk Ranum Mina, ADUN Tasik Biru Datuk Henry Jinep enggau Pengarah MARDI Sarawak, Mohammad Noor Andros Yahya. — DayakDaily