Kaul raban orang ti kala nyakal BN — Nanta

Deputy Minister of Rural and Regional Development Datuk Alexander Nanta Linggi. Photo sourced from http://www.rurallink.gov.my/en/corporate-info/profile/deputy-minister-profile/

SONG, Feb 25: Sekretari Parti Pesaka Bumiputera Bersatu (PBB) Datuk Alexander Nanta Linggi kemari minta penyukung Barisan Nasional (BN) anang beseni enggau raban orang ti ngelaban parti itu sebelum ini.

Ku iya, Menteri Besai Datuk Seri Najib Tun Razak kediri empu dekaka raban nya dikaul sereta dipujuk ngambika nyukung BN baru.

“PM dekaka BN inklusif lalu ukai beseni enggau raban ke enda nyukung BN ngambika nengah ulah manah ke dipandang nya ulih matak sida pulai barh ngagai BN,” ku Nanta ke mega Sapit Menteri pemansang Menua Pesisir enggau Kandang Menua.

Politik ukai dikena mambarka rayat di menua tu tang dikena ngemansangka bansa enggau menua tu, ku kaban Parlimen Kapit ba Pengerami Ketuai Begulai enggau Rayat di Rumah Aut Ujom, Nanga Temalat, ditu.

Bekaul pemansang, iya madahka madai pematut sekeda orang madahka perintah nadai mai sebarang pemansang ngagai menua pesisir.

Pemansang nya sigi udab bisi sereta diasai peranak menua pesisir tang empai umbas, ku iya.

“Nyadi hak kita minta pemansang nya ari perintah,” ku iya.

Ku iya, bala ketuai raban bansa tauka bala tuai rumah panjai patut madah ngagai nembiak redak iya gaya pemansang ti udah diberi ngagai sida ngambika enda tepwjuh runding mendingka jaku bula penyakal.

Taja pia, iya besemaya nasat bagi rumah panjai dalam sitak iya ti empai nerima bantu tauka projek pemansang ari perintah. — DayakDaily