BINTULU, Jun 12: Wiwo Food Court ( WFC) udah mujur ngumpul RM10,170.80 pemeri ari mensia mayuh dikena mantu Tabung Harapan Malaysia dalam timpuh tiga hari.
Pengari ari WFC, Francis Ngu Hown Hua pengawa ngelanchar Tabung Harapan Malaysia berengkah tiga hari ke udah ba kedai kopi WFC. Nya inisiatif ngumpul duit ari mensia mayuh empai lama dikena mantu perintah mayar utang menua.
“Asil ari nyual ai irup ari mensia ke ngirup ba kedai kedai kopi Wiwo Food Court, udah kami beri ngagai Tabung Harapan Malaysia.
“Mensia mayuh ke datai ngirup di kedai tu enda dipinta mayar ba kaunter, tang duit nya terus dipasuk ke dalam tabung ti udah disediaka,” ku iya.
Ku Francis, berengkah ari pengawa numbuhka Tabung Harapan nya 31 Mei, bemacham timbal manah diterima ari mensia mayuh pasal tabung nya.
Nengah awak nya, Francis meri terima kasih atas pementas mensia mayuh ti udah mantu perintah Pakatan Harapan mutarka utang menua.
Kemari Francis udah nyuaka cek sepenyampau RM10,170.80 nya ngagai Maybank Berhad Pampang Bintulu. — DayakDaily
