PUTRAJAYA, Mei 23: Sapit Menteri Besai Datuk Seri Dr Wan Azizah Wan Ismail madahka perintah numbuhka Tim Pengereja Pengawa dikena ngamatka semaya 100 hari ke bisi dalam Bup Harapan, ke mega manifesto Pakatan Harapan ba Pengawa Bepilih Besai Ke-14.
Ku iya, pekara jua udah disetuju Menteri Besai Tun Dr Mahathir Mohamad.
Dr Wan Azizah ke mega Presuden PKR madahka tim pengereja pengawa nya deka beratka inisiatif dagang sosial, pemansang iring ketuai indu enggau inisiatif Projek Harapan.
“Fokus mega deka mutarka penanggul penasal pemansang nembiak mit baka ti diripot dalam pansik Tabung Nembiak Mit Bangsa-Bangsa Bersatu ( UNICEF) laban nya ngaul penyeranta dalam pasar nembiak mit di Kelantan.
Kelimpah nya, pengelantang raban orang lunggar umur enggau naruh duit ba Kumpulan Wang Simpanan Pekerja (KWSP) ngagai bala indai ti nadai kereja mega deka dikemerat,” ku iya ba aum media kemari.
Dulu ari nya, Dr Wan Azizah nhepunka pengawa nyadi Sapit Menteri Besai ba opis iya di Perdana Putra. — DayakDaily
