Perintah deka beratika baru projek besai ti udah dikemendar sebedau tu — Azmin

Datuk Seri Mohamed Azmin Ali (photo sourced from his Facebook account)

PUTRAJAYA, Mei 23: Menteri Pekara Ekonomi Datuk Seri Mohamed Azmin Ali madah, perintah deka beratika baru projek besai ti dikemendarka perintah Barisan Nasional (BN) ari baruh pegai Datuk Seri Najib Tun Razak sebedau tu.

“Kami deka meresa baru sekalika projek mya deka meri pemaik tauka enda laban kami mega deka beratika empas undang-undang nyema projek nya diketu,” ku iya ba sidang media keterubah diu kemari.

Dulu ari nya, Azmin mendingka penerang ari pemesai pengatur Unit Perambu Ekonomi (EPU) enggau Opis Menteri Besai (JPM) sepengudah ngeripot diri gawa kena 7.45 pagi.

“Kami meseti mansik baru utai ke nyadi enggau proses ti dipejalaika perintah ke sebedau tu, kami deka nentuka semua proses ngambika dipejalai enggau lurus sereta nadai belalai,” ku iya.

Ku iya, beberapa projek ke udah berumban diberi Surat Setuju Terima (SST) mega deka diperesa baru.

Ku Azmin, perintah deka beratika semua projek besai ti udah dikemendar perintah ke sebedau tu, mansik baru tauka berunding baru, tang enti projek nya empai digaga, perintah Pakatan Harapan deka fokus ngagai projek ke deka meri pemaik terus ngagai rayat.

Entara projek besai ti deka diserenih baru perintah PH iya nya projek Projek Jalai Kereta Api Pantai Timur (ECRL) enggau Kereta Api Bepengelaju Tinggi Kuala Lumpur-Singapura (HSR). — DayakDaily