SMK Julau No. 1 kandang menua pemadu baru dituku bisi Rabies

Dog snout. — DayakDaily.com file pic.// Photo: Pixabay

KUCHING, Dis 31: Sekolah Menengah Kerajaan Julau No. 1 di Sarikei ditukuka nyadi palan ke pemadu baru bisi dikelekai penyakit Rabies di negeri tu, ti ngujungka penyampau semua kandang endur nya nyadi 27 iti.

Pekara tu dibantaika Sapit Kepala Menteri Sarawak, Datuk Amar Douglas Uggah Embas, lemai kemari ti mega nyadi Chairman Komiti Mutar Penusah Ngenyit Negeri Sarawak.

“Beratika genturung pendiau tu di luar 10 kilometer radius kandang endur ti kala ditukuka bisi penyakit rabies, nya alai tau dikategori nyadi palan baru,” ku iya ba sebengkah penerang.

Uggah mega madahka ari lima pemutus sampel ukui ke diterima ari Institut Mansik Rabies di Ipoh, semua kes nya positif virus Rabies.

Nyentuk ke sehari tu ku iya, semua penyampau kansang menua ti udah ditukuka bisi virus Rabies iya nya 27 kandang endur di tiga Bagi Menua baka Serian (20); Sri Aman (1); Kuching (4); Samarahan (1), enggau Sarikei (1). — DayakDaily


Share this article!